ಬೆಳೆಯುತ್ತಿರುವ ವಿದ್ಯುತ್ ಬಿಲ್ನಿಂದ ಮುಕ್ತಿ ಪಡೆಯಲು ಮತ್ತು ಪರಿಸರ ಸ್ನೇಹಿ ಸೌರಶಕ್ತಿಯನ್ನು ಉತ್ತೇಜಿಸಲು ಕೇಂದ್ರ ಸರ್ಕಾರವು ‘ಪಿಎಂ ಸೂರ್ಯ ಘರ್: ಮುಫ್ತ್ ಬಿಜ್ಲಿ ಯೋಜನೆ’ಯನ್ನು ಜಾರಿಗೆ ತಂದಿದ್ದು,ಈ ಯೋಜನೆಯಡಿ ಮನೆಗಳ ಛಾವಣಿಯ ಮೇಲೆ ಸೋಲಾರ್ ಪ್ಯಾನಲ್ ಅಳವಡಿಸುವ ಮೂಲಕ ತಿಂಗಳಿಗೆ 300 ಯೂನಿಟ್ಗಳವರೆಗೆ ಉಚಿತ ವಿದ್ಯುತ್ ಪಡೆಯಬಹುದು.
ಯೋಜನೆಯ ಮುಖ್ಯ ಲಾಭಗಳು
- ಉಚಿತ ವಿದ್ಯುತ್: ಪ್ರತಿ ತಿಂಗಳು 300 ಯೂನಿಟ್ವರೆಗೆ ವಿದ್ಯುತ್ ವೆಚ್ಚ ಸಂಪೂರ್ಣ ಉಳಿತಾಯ.
- ಬೃಹತ್ ಸಬ್ಸಿಡಿ: ಸೋಲಾರ್ ಘಟಕ ಅಳವಡಿಸಲು ಸರ್ಕಾರದಿಂದ ನೇರ ಬ್ಯಾಂಕ್ ವರ್ಗಾವಣೆ (DBT) ಮೂಲಕ ಗರಿಷ್ಠ ₹78,000 ವರೆಗೆ ಆರ್ಥಿಕ ನೆರವು.
- ಹೆಚ್ಚುವರಿ ಆದಾಯ: ನಿಮ್ಮ ಬಳಕೆಯ ನಂತರ ಉಳಿದ ವಿದ್ಯುತ್ ಅನ್ನು ಗ್ರಿಡ್ಗೆ (ವಿದ್ಯುತ್ ಇಲಾಖೆಗೆ) ಮಾರಿ ಹಣ ಗಳಿಸುವ ಅವಕಾಶ.
- ಕಡಿಮೆ ಬಡ್ಡಿದರದ ಸಾಲ: ಸೋಲಾರ್ ಅಳವಡಿಕೆಗೆ ಬ್ಯಾಂಕ್ಗಳಿಂದ ಸುಲಭ ಸಾಲದ ಸೌಲಭ್ಯ.
ಸಬ್ಸಿಡಿ ವಿವರಗಳು
- 1 kW ಸಾಮರ್ಥ್ಯ: ₹30,000 ಸಬ್ಸಿಡಿ
- 2 kW ಸಾಮರ್ಥ್ಯ: ₹60,000 ಸಬ್ಸಿಡಿ
- 3 kW ಅಥವಾ ಮೇಲ್ಪಟ್ಟು: ₹78,000 ವರೆಗೆ ಗರಿಷ್ಠ ಸಬ್ಸಿಡಿ
ಅರ್ಹತೆ ಮತ್ತು ಬೇಕಾಗುವ ದಾಖಲೆಗಳು
- ಸ್ವಂತ ಮನೆ ಮತ್ತು ಸೂಕ್ತವಾದ ಛಾವಣಿ (Roof space) ಇರಬೇಕು.
- ಸಕ್ರಿಯ ವಿದ್ಯುತ್ ಸಂಪರ್ಕ ಹೊಂದಿರಬೇಕು.
- ಅಗತ್ಯ ದಾಖಲೆಗಳು: ಆಧಾರ್ ಕಾರ್ಡ್, ಇತ್ತೀಚಿನ ವಿದ್ಯುತ್ ಬಿಲ್, ಬ್ಯಾಂಕ್ ಪಾಸ್ಬುಕ್ ಮತ್ತು ಮೊಬೈಲ್ ಸಂಖ್ಯೆ.
ಅರ್ಜಿ ಸಲ್ಲಿಸುವುದು ಹೇಗೆ?
- ಅಧಿಕೃತ ವೆಬ್ಸೈಟ್ http://pmsuryaghar.gov.in ಗೆ ಭೇಟಿ ನೀಡಿ
- ನಿಮ್ಮ ರಾಜ್ಯ, ವಿದ್ಯುತ್ ವಿತರಣಾ ಕಂಪನಿ (ಉದಾ: BESCOM, MESCOM, ಇತ್ಯಾದಿ) ಮತ್ತು ವಿದ್ಯುತ್ ಖಾತೆ ಸಂಖ್ಯೆಯನ್ನು ನಮೂದಿಸಿ ನೋಂದಾಯಿಸಿ.
- ಆನ್ಲೈನ್ ಮೂಲಕ ರೂಫ್ಟಾಪ್ ಸೋಲಾರ್ಗೆ ಅರ್ಜಿ ಸಲ್ಲಿಸಿ.
- ಅನುಮೋದಿತ ವೆಂಡರ್ಗಳ ಮೂಲಕ ಸೋಲಾರ್ ಅಳವಡಿಸಿ, ನೆಟ್ ಮೀಟರ್ ಸ್ಥಾಪನೆಯಾದ ನಂತರ ಸಬ್ಸಿಡಿ ಹಣ ನೇರವಾಗಿ ನಿಮ್ಮ ಬ್ಯಾಂಕ್ ಖಾತೆಗೆ ಜಮೆಯಾಗುತ್ತದೆ.
